काठमाडौं । जारी एकदिवसीय अभ्यास खेलमा नेपालले स्कटल्यान्डलाई जितको लागि १३६ रनकोे लक्ष्य दिएको छ ।
दक्षिण अफ्रिकाको टक्स ओभलमा टस हारेर पहिला ब्याटिङको निम्तो पाएको नेपालले खराब प्रदर्शनमा २८.५ ओभरमा अलआउट हुदै १३५ रन बनायो ।
नेपालका लागि कुशल मल्लले सर्वाधिक ३७ रन बनाए । आसिफ शेखले ३६ बलमा २८ रन बनाए भने अर्का ओपनर कुशल भुर्तेलले १६ रन बनाए । यस्तै, भीम सार्कीले ८ रन बनाउदा कप्तान रोहित पौडेल गोल्डेन डक आउट भएका थिए। त्यसैगरी दीपेन्द्रसिंह ऐरीले १३ रन बनाउदा अन्य कुनै ब्याटरले दोहोरो अंकमा रन बनाउन सकेकनन् ।
बलिङतर्फ स्कटल्यान्डका ज्याक हार्भिस र ब्रान्डन म्याकमुलेनले समान तीन/तीन विकेट लिए ।
जिम्बावेमा जुन १८ देखि ९ जुलाईसम्म आयोजना हुने विश्वकप छनोटको तयारिका लागि दक्षिण अफ्रिकामा अभ्यास गरिरहेको नेपाली टिमले जुन १० मा नेदरल्यान्ड्सँग दोस्रो अभ्यास खेल खेल्नेछ ।