काठमाडौँ । प्रतिनिधिसभाको बैठक आज बस्नेभएको छ । विहान ११ बजे बस्ने बैठकमा अर्थमन्त्री डा प्रकाशशरण महतले वक्तव्यसहित आर्थिक वर्ष २०८०/८१ को राजश्व र व्ययको वार्षिक अनुमानमाथि सामान्य छलफल प्रारम्भ गरियोस् भनी प्रस्ताव प्रस्तुत गर्ने सम्भावित कार्यसूची छ ।
अर्थमन्त्री महतले यही जेठ १५ गते आगामी आर्थिक वर्षका लागि बजेट प्रस्तुत गर्नुभएको थियो । बजेटमाथि आजदेखि छलफल सुरु हुन लागेको हो ।
सो प्रस्तावपछि आजदेखि उक्त प्रस्तावमाथि सामान्य छलफल सुरु हुनेछ । आजको कार्यक्रममा पूर्व सांसद तथा महिला बालबालिका तथा समाजकल्याण राज्यमन्त्री मीना पाण्डेको निधनप्रति शोक प्रस्ताव समेत प्रस्तुत गर्ने कार्यसूची समेत छ ।
