काठमाडौँ । नेकपा (एमाले) का उपमहासचिव विष्णु रिमालले भुटानी शरणार्थी प्रकरणलाई राजनीतिकरण गर्न नहुने बताउनुभएको छ ।
सामाजिक सञ्जाल फेसबुकमा उहाँले भुटानी शरणार्थी प्रकरण होस् वा अन्य कुनै पनि प्रकरणमा कानूनभन्दा माथि कोही नहुने भन्दै कानूनको पालना सबैले गर्नुपर्ने उल्लेख गर्नुभएको छ ।
यस्ता प्रकरणमा कसैलाई पनि उन्मुक्ति हुनुहुन्न भन्दै उहाँले भन्नुभएको छ, “निर्दोष नफसुन्, कोही दोषी नउम्किउन्। छानबीन हुनुपर्छ, छानबीनमा सबैले सहयोग गर्नुपर्छ।”
