काठमाडौँ । परराष्ट्रमन्त्री एनपी साउद बेलायतका राजा चार्ल्स तृतीयको राज्याभिषेक समारोहमा सहभागी हुन बेलायत प्रस्थान गर्नुभएको छ ।
मन्त्री साउदसँगै पत्नी ज्योत्सना र स्वकीय सचिव जोशी पनि बेलायत प्रस्थान गर्नुभएको छ।
बुधबारको मन्त्रिपरिषदले परराष्ट्र मन्त्री साउद बेलायत जाने कार्यक्रम स्वीकृत गरेको थियो।
परराष्ट्र मन्त्री साउद यही वैशाख २६ गते स्वदेश फर्किने कार्यक्रम छ।
राज्याभिषेक समारोहमा सहभागी हुन राष्ट्रपति रामचन्द्र पौडेल जाने तय भए पनि स्वास्थ्यका कारण राष्ट्रपति पौडेल जान नसक्ने भएपछि सरकारले परराष्ट्रमन्त्री साउदलाई बेलायत पठाउने निर्णय गरेको हो ।
यही वैशाख २३ गते लन्डनको वेस्टमिनिस्टर गिर्जाघरमा हुने बेलायती राजा चार्ल्स तृतीयको राज्याभिषेक समारोहमा हुनेछ ।
