एजेन्सी । इन्डियन प्रिमियर लिग (आईपीएल) अन्तर्गत गुजरात टाइटन्सले लखनउ सुपरजायन्ट्सलाई १३६ रनको विजयी लक्ष्य दिएको छ ।
टस जितेर ब्याटिङ थालेको गुजरातले २० ओभरमा ६ विकेटको क्षतिमा १३५ रन जोडेको हो । गुजरातका लागि कप्तान हार्दिक पाण्ड्याले ६६ रनको अर्धशतकीय इनिङ्स खेले ।
५० बल खेलेका उनले २ चौका र ४ छक्का प्रहार गरे । यस्तै, ऋद्धिमान साहाले ४७ रन तथा विजय शङ्करले १० रन जोड्दा शुभमन गिल शून्य रनमा आउट भए ।
यस्तै, अभिनव मनोहरले ३, डेभिड मिलरले ६ रन जोडे । राहुल तेवाटिया २ रनमा अविजित रहे । लखनउका मार्कुस स्टोइनिस र कृणाल पाण्ड्याले दुई–दुई विकेट लिँदा अमित मिश्रा र नवीन अल हकले एक–एक विकेट लिए ।
