काठमाडौँ । राष्ट्रिय प्रजातन्त्र पार्टी (राप्रपा) का सचेतक ज्ञानेन्द्र शाहीले संसद्बाट पाउने पारिश्रमिकबाट हरेक महिना खेलाडीका नाममा तीन हजार रुपैयाँ जम्मा गरिदिने घोषणा गर्नुभएको छ ।
प्रतिनिधिसभाको आजको बैठकमा उहाँले आफूले जस्तै संघीय सांसद र प्रदेशसभाका सदस्यहरुलाई पनि महिनाको तीन हजार रुपैयाँ खेलाडीको नाममा छुट्याउन आग्रह गर्नुभएको छ ।
उहाँका अनुसार संघीय सांसद र प्रदेशसभा सदस्य गरी कूल ८८४ जनाले प्रत्येक महिना तीन हजार खेलाडीका नाममा खर्च गर्दा प्रत्येक महिना २६ लाख ५२ हजार रुपैयाँ खेलाडीले पाउने र यसबाट देशको नाम संसारभर चिनाउन सहयोग पुग्ने बताउनुभयो ।
