काठमाडौँ। जसपाबाट उपराष्ट्रपति पदका लागि उम्मेदवारी दिएका रामसहाय प्रसाद यादव आफूविरुद्ध परेको उजुरीमा जवाफ दिन निर्वाचन अधिकृतको कार्यालय पुगेका छन् ।
नेकपा एमालेकी उम्मेदवार अष्टलक्ष्मी शाक्य र जनमत पार्टीकी उम्मेदवार ममता झाले यादवविरुद्ध उजुरी दिएका थिए ।
निर्वाचन अधिकृतको कार्यालयले आज मध्याह्न १२ बजेभित्र उजुरी उपर जाँचबुझ गरी साझ पाँच बजेभित्र उम्मेदवारको अन्तिम नामावली प्रकाशन गर्ने कार्यतालिका बनाएको छ ।
जसपाबाट जसपा संसदीय दलका नेता रामसहायप्रसाद यादव र प्रमिला यादवले उम्मेदवारी दर्ता गराएका छन् । यस्तै,१० दलीय गठबन्धनबाट नै जनमत पार्टीकी नेता ममता झा र एमालेको तर्फबाट अष्टलक्ष्मी शाक्यले पनि उम्मेदवारी दर्ता गराएका छन् ।
