बागमती नदी नेपालीहरुको आस्थाको केन्द्र हो । हिन्दुहरुका लागि जन्मदेखि मरणोपरान्त बागमती नदीको आवश्यक्ता त्यत्तिकै छ । हिन्दुहरुको मात्रै नभइ किराँत समुदायका लागि पनि बागमती नदीको आवश्यक्ता र औचित्य हिन्दुसमान छ । बागमती नदीको सभ्यता धेरै गर्विलो छ । बागमती नदी अहिले ढलमती उपनामले परिचित छ ।
यसको कारण काठमाडौँबासीको लापरबाही र सरसफाईमा चासो नहुनु नै हो । ढल मिसाउने, फोहोर फाल्ने स्थान बनेको बागमती नदीलाई हराभरा बनाउनुपर्छ र मात्रै हामी स्वच्छ र स्वस्थ रहनसक्छौँ भन्ने मानसिकता नै काठमाडौँबासीमा छैन । पछिल्लो समय बागमती सरसफाई अभियानसँगै वागमतीमा केही कम फोहोर छ तर आम मानिसको मन, मस्तिष्कमा फोहोर फाल्नु हुँदैन भन्ने ध्येय नै छैन । ढल, फोहोर र दुर्गन्धपूर्ण बागमती नदी स्वच्छ, सफा र सुन्दर वागमती हुन र आफ्नो पुरानै पहिचान पाउन मुस्किल छ । सबै लागेर फोहोर नफाल्ने हो भने फेरि वागमती नदी छेउमा हरियाली र प्राकृतिक वास्नासहित बहनेछ ।
तर काठमाडौँबासी नै बागमतीलाई सफा बनाउँदा आफ्नै स्वार्थसिद्ध हुन्छ भन्नेकुराबाट टाढा छन् । काठमाडौं उपत्यकाभित्र त बागमती फोहोर छ नै चोभार नजिकबाट काठमाडौंबाहिरिने क्रममा पनि कालो बागमती नदीको पानी देख्दा काठमाडौँबासीदेखि नै वितृष्णा जाग्छ । काठमाडौंको सिनामंगल क्षेत्रमा सुकुम्वासीले बागमती नदी हडपेर बनाएको टहरा होस् वा गोकर्णस्थित वागमती नदी किनारमा बनाइएको शौचालय यी सबैले हामी नेपालको काठमाडौं जस्तो सुन्दर, विकसित शहरलाई गिज्याउँछ ।
काठमाडौं उत्तरबाहिनीस्थित वागमती नदीमा मिसाइएको नाली, ललितपुर सानेपाबाट बागमती मा मिसाइएको ढल, कुपण्डोल युएन पार्कनजिक बागमती नदी किनारमा भत्केको बार, बुद्धनगर क्षेत्रमा बाढीले बगाएर ल्याएको फोहोर, सुन्दरीघाट वागमती नदी छेउ थुपारिएको फोहोर, कुलेश्वर छेउको वागमती र सुकुम्वासी बस्ती यी सबैले विकसित शहरका अविकसित मानिसको सोचलाई दर्शाउँछ । यसमा कोही एक व्यक्तिले मात्रै पहल गरेर सम्भव छैन, सरकार, स्थानीय निकाय, निजी संघसंस्था र आम सर्वसाधारण सबै मिलेर सरसफाईमा ध्यान दिने हो भने पक्कै पनि वागमतीले आफ्नो पुरानो लय समात्नेछ । आजको फोटो फिचरमा न्युज एजेन्सी नेपालका फोटो पत्रकारले खिचेका यी बागमती नदीका तस्बिरहरु ।
तस्बिर: न्युज एजेन्सी नेपाल
काठमाडौंको बल्खुस्थित वागमती नदिमा छाडा गाई गोरु ।
माकलवारीमा बनाइएको अस्थायी पल ।
गोकर्णस्थित वागमती नदि किनारमा बनाइएको शौचालय ।
काठमाडौं उत्तरबाहिनीस्थित वागमती नदिमा मिसाइएको नाली ।
तीनकुने सुकुम्बासी बस्तीका एक युवक वागमती किनारमा टोलाउदै ।
ललितपुर देविचौर र काठमाडौंको छैमले बीचबाट बगेको वागमती नदि र फोहोरका कारण निस्केको फिज ।
किर्तिपुर छेउबाट देखिएको वागमती नदि किनारको फोहोर ।
ललितपुर सानेपाबाट वागमतीमा मिसाइएको ढल ।
कुलेश्वर छेउको वागमती र सुकुम्बासी बस्ती ।
कुपण्डोल वागमती नदि किनारमा लगाइएको तरकारी खेती ।
बुद्धनगर क्षेत्रमा बाढीले बगाएर ल्याएको फोहोर ।
कुपण्डोल युएन पार्कनजिक वागमती नदि किनारमा भत्केको बार ।
काठमाडौंको सिनामंगल क्षेत्रमा सुकुम्बसीले बनाएको टहरा ।
चोभार नजिकबाट काठमाडौंबाहिरिने क्रममा कालो वागमती नदि ।
