काठमाडौं । स्याङ्जा २ मा नेपाली कांग्रेसका उम्मेदवार धनराज गुरुङले अग्रता कायमै राखेका छन्। पछिल्लो मतपरिणाम अनुसार गुरुङले १५ हजार ८०५ मतसहित अग्रता कायम गरेका हुन् ।
यस्तै नेकपा एमालेकी पद्मा अर्यालले १३ हजार ५६६ मतसहित पछ्याइरहेकी छन् । कांग्रेसका गुरुङ र अर्यालबिच २ हजार २३९ मतको अन्तर रहेको छ ।
यसैगरी राष्ट्रिय स्वतन्त्र पार्टीका टिकराज गुरुङले ५ हजार ९९२ मत ल्याएका छन्। यस क्षेत्रमा ७० हजार १९१ मत खसेको छ।
