काठमाडौँ । नेकपा (एकीकृत समाजवादी) का अध्यक्ष माधव नेपालले आसन्न प्रतिनिधिसभा र प्रदेशसभा सदस्य निर्वाचनका लागि सत्ता गठबन्धनभित्र सिट बाँडफाँटको विषय पेचिलो बनेको बताउनुभएको छ ।
आगामी निर्वाचनमा चुनावी तालमेल गरेर जान सहमत भएका सत्ता गठबन्धनमा अहिले सिट बाँडफाँट पेचिलो बन्दै गएको उहाँले बताउनुभयो ।
पार्टी निकट दलित मुक्ति संगठनको मंगलबार काठमाडौँमा सुरु भएको केन्द्रीय कमिटीको बैठकमा अध्यक्ष नेपालले पेचिलो बने पनि सिट बाँडफाँटलाई सम्भव बनाएर लैजान खोजिरहेको बताउनुभयो ।
आगामी निर्वाचनमा पार्टीका उम्मेदवारहरुलाई जिताउने गरी संगठन परिचालनको काममा लाग्न पार्टी नेता तथा कार्यकर्ताहरुलाई उहाँले निर्देशन दिनुभयो ।
