काठमाडौँ । प्रमुख प्रतिपक्ष दल नेकपा (एमाले)का अध्यक्ष एवम् पूर्वप्रधानमन्त्री केपी शर्मा ओलीले राष्ट्रपति विद्यादेवी भण्डारीसँग भेटवार्ता गर्नुहुने भएको छ ।
प्रधानमन्त्री शेरबहादुर देउवासहित कांग्रेस पदाधिकारीले राष्ट्रपतिसँग भेटेकै दिन ओली पनि राष्ट्रपति भेट्न उहाँको शीतल निवास जान लाग्नुभएको हो ।
कांग्रेस नेताहरूसँगको छलफलपछि आजै साँझ ५ बजे राष्ट्रपतिले अध्यक्ष ओलीसँग भेट्ने तय भएको बताइएको छ ।
नागरिकतासम्बन्धी विधेयक पुनरावलोकनका लागि प्रतिनिधिसभामै फिर्ता पठाउनुभएको राष्ट्रपति भण्डारीले पछिल्लो केही दिनयता छलफललाई तिव्रता दिनुभएको छ ।
राष्ट्रपतिले परिमार्जनका लागि फिर्ता पठाएको विधेयक प्रतिनिधिसभाबाट जस्ताको तस्तै पारित भएर राष्ट्रियसभामा पुगेको छ भने राष्ट्रियसभाले उक्त विधेयकलाई विधायन व्यवस्थापन समितिमा पठाएको छ ।
यसै सन्दर्भमा आज सोमबार राष्ट्रपति भण्डारीले कांग्रेस नेताहरूसँग छलफल गर्नुभएको हो ।
