काठमाडौँ । विवेकशील साझा पार्टीको अध्यक्षमा समीक्षा बाँस्कोटाको नाममा सहमति भएको छ । पार्टी अध्यक्ष र संयोजकमा सहमति जुटेको बताइएको छ । आइतबार ३ बजे पार्टीको बैठक इएको छ । अध्यक्षमा बाँस्कोटा र संयोजकमा सञ्जीवबल्लभ भट्टराईको नाममा सहमति जुटेको समाचार छ ।
स्थानीय तहको निर्वाचनमा लज्जाजनक हार बेहोरेपछि त्यसको नैतिक जिम्मेबारी लिँदै तत्कालीन पार्टी अध्यक्ष रवीन्द्र मिश्रले राजीनामा दिएका थिए ।
तर पार्टीले उनको राजीनामा स्वीकृत गरेको थिएन भने नयाँ अध्यक्ष पनि चयन गर्न सकेको थिएन । निर्वाचन आयोगले आसन्न प्रतिनिधिसभा र प्रदेशसभा निर्वाचन प्रयोजनका लागि दल दर्ताको सूचना निकालेपछि पार्टीलाई दल दर्ता गर्न सकस परेको थियो ।
रवीन्द्र मिश्रले आफ्नो राजीनामा स्वीकृत पनि नभएको र नयाँ अध्यक्ष पनि चयन हुन नसकेको भन्दै आफ्नै नेतृत्वमा दल दर्ता गर्न आग्रह गरेका थिए ।
