काठमाडौं । नेपाल डिजिटल पेमेन्ट्स कम्पनीको नमस्ते पे मोबाइल भुक्तानी सेवा आजबाट सुरु भएको छ । टेलिकमले राष्ट्रिय वाणिज्य बैंकसँगको सहकार्यमा नमस्ते पे सुरु गरेको हो । नमस्ते पे बाट भएका भुक्तानीको सेटलमेन्ट भने राष्ट्रिय वाणिज्य बैंकबाट हुने भएको छ ।
टेलिकमले नेपाल डिजिटल पेमेन्ट्स कम्पनी लिमिटेडबाट नमस्ते पे नामक डिजिटल भुक्तानीको सेवा दिने भन्दै ३ चैत २०७७ मा राष्ट्र बैंकबाट सञ्चालन अनुमतिसमेत पाइसकेको जनाएको छ ।
प्रारम्भिक चरणको व्यवसायिक सञ्चालन र औपचारिक सेवा सुभारम्भसमेत गर्ने नेपाल टेलिकमका प्रवन्ध निर्देशक डिल्ली अधिकारीले बताउनुभयो । कम्पनीमा ४० करोड रुपियाँ चुक्ता पुँजी मध्य टेलिकमको ६० र राष्ट्रिय वाणिज्य बैंकको ४० प्रतिशत हिस्सा हुने उल्लेख छ ।
