चितवन । चितवनको कालिका नगरपालिकाको प्रमुखमा नेकपा (एमाले) का विनोद रेग्मी निर्वाचित भएका छन् । उनले पाँच दलीय सत्ता गठबन्धनका उम्मेदवार नेपाली कांग्रेसका शिवराम केसीलाई पराजित गर्दै उम्मेदवार १४३ मतले पराजित गरेका हुन् ।
रेग्मीले १० हजार ७१४ मत ल्याई निर्वाचित हुँदा पराजित बनेका कांग्रेसका केसीले १० हजार ५७१ मत पाए । मतगणना हुँदा रेग्मी र केसीका बीचमा निकै प्रतिस्पर्धा भएको थियो ।
उपप्रमुखमा समेत एमालेकै विमला लामा निर्वाचित भएकी छन् । विमलाले १० हजार ४४९ मत ल्याई निर्वाचित भएकी हुन् । उनका निकटतम प्रतिद्वन्द्वी नेकपा (माओवादी केन्द्र) की सविता लामाले नौ हजार ६८८ मत प्राप्त गरिन् ।
कालिकामा ११ वटा वडा रहेक छन् । यस नगरपालिकामा कांग्रेसले ५, एमालेले ४ र माओवादीले २ वडा जितेको छ ।
