चितवन । भरतपुर महानगरपालिकामा नेकपा माओवादी केन्द्रकी उम्मेदवार रेनु दाहालको अग्रता झिनो मतान्तरले कायमै रहेको छ । पछिल्लो परिणामअनुसार रेनुले २४२५ र नेकपा एमालेका उम्मेदवार विजय सुवेदीले २४२३ मत ल्याएका छन् ।
स्वतन्त्र उम्मेदवारी दिएका कांग्रेस नेता जगन्नाथ पौडेलको खातामा ७९५ मत परेको छ । उपमेयरमा नेपाली कांग्रेसका उम्मेदवार चित्रसेन अधिकारीले २५५२ मत पाएका छन् भने राप्रपा उम्मेदवार हिमला गुरुङले १८४९ मत पाएकी छन् ।
निर्वाचन आयोगका अनुसार भरतपुर महानगरपालिकामा स्थानीय निर्वाचनका लागि १ लाख ८५ हजार ७५२ योग्य मतदाता रहेका छन् । भने ३ लाख ६९ हजार ३७७ जनसङ्ख्या भएको महानगरपालिकामा २९ वटा वडा छन् ।
