काठमाडौं । आज नेपाली राष्ट्रिय फुटबल टिमले ओमानसँग मैत्रीपूर्ण खेल खेल्दैछ । खेल नेपाली समयअनुसार ९ः४५ बजे सुरु हुनेछ । नेपाली राष्ट्रिय फुटबल टिम यतिबेला माल्दिभ्समा हुने साफ च्याम्पियनसिपको तयारीका लागि कतारमा बन्द प्रशिक्षणमा छ ।
साफ च्याम्पियनसिपको १३औं संस्करण आगामी अक्टोबर १ देखि १६ (असोज १५ देखि ३० गते) सम्म माल्दिभ्समा आयोजना हुनेछ । नेपाल र ओमानबीचको खेल कतारको दोहास्थित कतार युनिभर्सिटीको मैदानमा हुनेछ ।
यसअघि नेपालले घरेलु मैदानमै भारतसँग दुई मैत्रीपूर्ण खेल खेलिसकेको छ ।
