झापा जिल्ला निर्वाचन आयोगले झापाका दुई मतदान अधिकृतलाई कारवाही गरेको छ । कमल गाउँपालिका–६ स्थित पाणिनी माविको मतदान केन्द्र ‘ग’ मा खटिएका मतदान अधिकृत शैलेन्द्र कर्णलाई कारबाहीस्वरुप आयोगले फिर्ता बोलाएको छ ।
कर्णले बिहीबार एक उम्मेदवारलाई ८८ वटा मतदाता परिचयपत्र उपलब्ध गराएको बताइएको छ । सम्बन्धित व्यक्तिलाई मतदाता परिचयपत्र उपलब्ध गराउनुपर्नेमा उम्मेदवारलाई उपलब्ध गराएको भन्दै उनलाई कारबाही गरिएको आयोगले जनाएको छ ।
त्यसैगरी मादक पदार्थ सेवन गरेर मतदानस्थल पुगेका भन्दै झापा गाउँपालिका–६ का सहायक मतदान अधिकृत सुरेन्द्र बस्नेतलाई पन आयोगले कारबाही गरेको छ ।
झापा–६ शरणाामतिस्थित जनता मावि मतदान केन्द्र ‘ग’ मा खटिएका सहायक मतदान अधिकृत बस्नेतले मादकपदार्थ सेवन गरेको भन्ने गुनासो आएपछि आयोगले उनलाई मतदानस्थलबाट हटाएको छ ।
