काठमाडौँ । निर्वाचन आयोगले मध्याह्न १२ बजेसम्म मुलुकभर करिब ३५ प्रतिशत मतदान भएको जनाएको छ ।
आयोगले सबै ७५३ वटै स्थानीय तहमा सामान्य घटनाबाहेक उत्साहजनकरुपमा मतदान भइरहेको बताएको छ ।
आयोगका प्रवक्ता शालिकराम शर्मा पौडेलले दोलखा, सर्लाही, सप्तरी, रामेछाप, पर्वत, हुम्ला र बाजुराका केही स्थानमा केही विवादका कारण मतदान रोकिएको बताए । उनले ती स्थानमा पनि सर्वदलीय बैठक गरी छिट्टै मतदान हुने अपेक्षा गरिएको बताए ।
