काठमाडौं । वैशाख ३० गते देशभर हुन गइरहेको स्थानीय तहको निर्वाचनको दिन पर्यटकको सेवा र सुविधाका लागि काठमाडौंमा ३ वटा रुट भएर बस चल्ने भएको छ।
निर्वाचनको दिन नेपाल सरकारले सार्वजनिक बिदा दिएको छ । उक्र दिन नेपाल पर्यटन बोर्डले पर्यटक प्रहरीको सहयोगमा हवाई यात्रुहरूलाई विमानस्थल र होटलबीच हुन सक्ने यातायातको असुविधालाई मध्यनजर गरी बस सञ्चालन हुने भएको हो ।
यी हुन रूटहरू
रुट १ : एअरपोर्ट–एनएसी–होटेल अन्नपूर्ण–होटेल याक एण्ड यति–ठमेल चोक–लैनचौर चोक–शंकर होटेल –एम्बासडर होटेल –एअरपोर्ट ।
रुट २ : एअरपोर्ट–होटेल र्याडिशन–सांग्रिला होटेल–नारायण गोपाल चोक–महाराजगंज चोक–हायात रिजेन्सी–चाबहिल चोक–होटेल द्धारिका–एअरपोर्ट ।
रुट ३ : एअरपोर्ट– तीनकुने चोक–होटेल एभरेष्ट–माइतिघर चोक–होटेल हिमालयन–होटेल सोल्टी–ग्रान्ड होटेल –एअरपोर्ट ।
पर्यटकको आवत–जावतको लागि त्रिभुवन अन्तर्राष्ट्रिय विमानस्थलदेखि विभिन्न होटेल तथा होटेलदेखि विमानस्थलसम्म सशुल्क सटल बस सेवा (प्रति व्यक्ति ३ सय ) सञ्चालनको व्यवस्था मिलाइएको हो । उक्त शुल्क भने सेवा दिँदाका बखतमा सम्बन्धित सेवादाताले नै लिने छन् ।
