काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले आह्वान गर्नुभएको सर्वदलीय बैठक सुरु भएको छ।
बैठकमा रसुवामा आएको भीषण बाढीबाट भएको जनधनको क्षति, उद्धार तथा राहतका विषयमा छलफल भइरहेको छ। बाढी प्रभावित क्षेत्रमा तत्काल उद्धार, राहत तथा पुनःस्थापनाका लागि आवश्यक पहल र समन्वयका विषयमा बैठक केन्द्रित रहेको बताइएको छ।
बैठकमा विभिन्न राजनीतिक दलका प्रतिनिधिहरूको सहभागिता रहेको छ। बैठकबाट बाढी प्रभावित नागरिकलाई तत्काल राहत उपलब्ध गराउने तथा विपद् व्यवस्थापनलाई प्रभावकारी बनाउने सम्बन्धमा साझा धारणा तय गर्ने अपेक्षा गरिएको छ।
