काठमाडौं । नेकपा (एकीकृत समाजवादी)का अध्यक्ष एवं पूर्वप्रधानमन्त्री माधवकुमार नेपालले नेकपा एमाले सम्पूर्ण हिसाबले कुहिएपछि नयाँ पार्टी खोल्नुपरेको प्रतिक्रिया दिएका छन् ।
नेकपा एससँग माओवादीबाट बहिर्गमित पूर्वलडाकाहरूसँग पार्टी एकता कार्यक्रममा बोल्दै उनले सो कुरा बताएका हुन् ।
उनले भने,‘पुरानो पार्टी सबै हिसाबले कुहिने, दक्षिणपन्थी भासमा भासिने, व्यक्तिवादको अत्यन्तै दलदलमा फस्ने र सबै हिसाबले कम्युनिस्ट आदर्शलाई परित्याग गर्ने स्थितिमा पुगिसकेपछि हामीले कम्युनिस्ट आन्दोलनको रक्षा गर्न र नेपाली समाजको आमूल परिवर्तन गर्ने उद्देश्यलाई पूरा गर्न हामीले नेकपा एस गठन गरेका हौँ ।’
आफ्नो पार्टीले छोटो समयमै धेरै सफलता हासिल गरेको उनको दाबी छ ।
