भरतपुर । गठबन्धनमा रहेका अन्य दलहरूले महत्त्व नदिएको भन्दै जनता समाजवादी पार्टी (जसपा) चितवनको पाँच दलीय गठबन्धनबाट बाहिरिएको छ ।
जसपाले गठबन्धनको राजनीतिक महत्व, हैसियत, मर्म र भावनाविपरीत नेपाली कांग्रेस, नेकपा माओवादी केन्द्र र नेकपा एकीकृत समाजवादीले कार्य गरेको बताउँदै गठबन्धनबाट बाहिरिएको हो ।
जसपा भरतपुरका अध्यक्ष अनुज जोशीले गठबन्धनको बैठकमा आफूहरूलाई नबोलाइएको र २९ वटै वडामा अध्यक्षसहित सदस्यहरूमा मनोमानी ढंगबाट बाँडफाँट गरिएकाले गठबन्धनबाट बाहिरिनुपरेको बताए ।
