काठमाडौं । भारत सरकारद्वारा नेपाललाई उपलब्ध गराइएको राहत सामग्री औपचारिक रूपमा ग्रहण गरिएको छ। संस्कृति, पर्यटन तथा नागरिक उड्डयनमन्त्री खडक राज पौडेल ‘गनेस’को उपस्थितिमा उक्त राहत सामग्री ग्रहण गरिएको हो।
विपद्को यस कठिन घडीमा भारत सरकारबाट प्राप्त सहयोगले प्रभावित नागरिकको उद्धार तथा राहत कार्यमा महत्वपूर्ण योगदान पुग्ने अपेक्षा गरिएको छ।
नेपाल सरकारले राहत सामग्री उपलब्ध गराएकोमा भारत सरकार तथा भारतीय जनताप्रति हार्दिक कृतज्ञता व्यक्त गरेको छ। साथै, नेपालप्रति भारतले देखाउँदै आएको निरन्तर ऐक्यबद्धता र सहयोगका लागि पनि धन्यवाद व्यक्त गरिएको छ।
नेपाल सरकारले विपद् प्रभावित नागरिकलाई राहत तथा उद्धारमा सहयोग पुर्याउन प्राप्त सामग्रीको आवश्यकताअनुसार उपयोग गर्ने जनाएको छ।
