बझाङ । प्रमुख विपक्षी नेकपा (एमाले)का अध्यक्ष केपी शर्मा ओलीले एमालेले चाहे सात दिनमा सरकार ढल्ने बताएका छन् ।
बझाङमा आयोजित जनसभालाई सम्बोधन गर्दै ओलीले यस्तो बताएका हुन् ।
ओलीले भने , ‘। यो सरकारले आफूलाई अजम्बरी बुटी पाएको सरकार नसोचे हुन्थ्यो । एमालेको चिताएको सात दिनमा यो सरकारको जरा उखेलेर फालिदिन्छ । तर चुनाव नबिथोलियोस भनेर चुप बसेका छौँ ।’
यस्तै ओलीले एमालेको सरकार केही समयका लागि मात्र ढलेको उल्लेख गरे ।
देशभरि एमालेको पक्षमा जनलहर उर्लिएको बताउँदै एमालेलाई जिताउनका लागि जनता चुनावको प्रतीक्षामा रहेको दाबी गरे ।
