जनकपुरधाम । लोकतान्त्रिक समाजवादी पार्टी (लोसपा)ले प्रदेश–२ का मुख्यमन्त्री लालबाबु राउतको राजीनामा मागेको छ ।
मुख्यमन्त्री राउतको विश्वासको मतमाथिको छलफलमा सरिक हुँदै प्रदेश– २ लोसपाका संसदीय दलका नेता जितेन्द्र सोनलले मुख्यमन्त्री लालबाबु राउतले तत्काल मार्ग प्रशस्त गर्नुपर्ने बताएका हुन् ।
राउत नेतृत्वको सरकार भ्रष्टाचारमा चुर्लुम्मै डुबेको आरोप लगाउँदै उनले भने,’मुख्यमन्त्री आफैं सुशासन कायम गर्छु भन्छन् तर अख्तियारले भ्रष्टाचार आरोपमा छापा मार्दा जुलुस निकालेर विरोध गर्छन् ।’
यस्तै सोनलले सरकारले गरेका कामको संवैधानिकतामाथि पनि समेत उठाए ।
