लाहोरमा सम्पन्न तेस्रो तथा अन्तिम टेस्ट क्रिकेटमा अस्ट्रेलियासँग पाकिस्तान ११५ रनले पराजित भएको छ । पाकिस्तान भूमिमा अस्ट्रेलियाले टेस्ट क्रिकेट शृखला जितेको यो पहिलो अवसर हो ।
निकै रोमाञ्चक यस खेलमा ३५१ रनको लक्ष पाएको पाकिस्तानको टोली दोस्रो इनिङमा २३५ रनमै समेटिएको थियो । अस्ट्रेलियाका लागि नाथन लायनले ५ तथा कप्तान प्याट कमिन्सले ३ विकेट लिएका थिए ।
यसअघि पहिलो इनिङमा ३९१ रन बनाएको थियो भने दोस्रो इनिङमा तीन विकेटको क्षतिमा २२७ रन बनाएर ३५१ रनको चुनौती दिएको थियो । पाकिस्तानले भने पहिलो इनिङमा २६८ रन मात्र बनाएको थियो ।
यसअघि कराँची र रावलपिन्डीमा भएका दुई टेस्ट बराबरीमा समाप्त भएका थिए ।
अब यी दुई टोलीबीच पाँच वटा टी२० खेल हुनेछन् ।
