विराटनगर । प्रमुख विपक्षी दल नेकपा (एमाले)का सांसदहरू अनुपस्थित हुने भएपछि प्रदेश नम्बर १ को प्रदेशसभा बैठक स्थगित भएको छ ।
आज (मंगलबार) बस्ने प्रदेशसभाको बैठकबाट मुख्यमन्त्री राजेन्द्र राईले विश्वासको मत लिने तयारी थियो ।
एमालेले आज बन्द रहेको जनाउँदै आफ्ना सांसदहरू उपस्थित हुन नसक्ने जानकारी गराएको थियो । सभामुखले बुधबार बिहान ११ः३० बजेका लागि प्रदेश सभा बैठक बोलाएका छन् ।
यससँगै मुख्यमन्त्री राईले बुधबार नै विश्वासको मत लिने बुझिएको छ ।
