• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

नेपालको माया भए एकीकृत माओवादीलाई भोट : कलाकारहरु



संविधानसभाको दोस्रो निर्वाचन नजिकिदो अवस्थामा गाउँ–गाउँमा चुनावी रौनक बढेको छ । पार्टीका कार्यकर्ता, नेतादेखि तल्लो तहका जनतासम्ममा चुनावी बहस हुने गरेको छ । देशमा छाएको चुनावी माहोलबाट कलाकारहरु पनि अछुतो रहन सकेका छैनन् । देशका विभिन्न स्थानमा हुने गरेका चुनावी सभामा कलाकारहरुले खुलेरै भोट माग्ने गरेका छन् । ‘खेलकुद र सँस्कृतिका लागि सिर्जना’ भन्ने नाराका साथ झापाको लखनपुरस्थित धिमाल राष्ट्रिय संग्रहालय निर्माणस्थल मैदानमा आयोजित बृहत साँस्कृतिक तथा खेलकुद महोत्सव कार्यक्रममा स्थानीय तथा राष्ट्रिय कलाकारहरुको निकै जमघट देखियो । चुनावको मुखमा आयो माओवादी बोलको गीति एल्वम सार्वजनिक गरेका चर्चित संगीतकार चेतन सापकोटाले जनवादी गीत गाउँदै नेपालको माया भए एकीकृत माओवादीलाई भोट हाल्न आग्रह गरे ।

एमाओवादीबाहेकको अरु शक्तिले देशमा परिवर्तन ल्याउन नसक्ने बताउँदै कुनै संकुचन नराखी एमाओवादीलाई दुई तिहाई बहुमत दिलाउन आग्रह गरे । देशको समग्र विकासको लागि निश्चित अवधिसम्म एकीकृत (माओवादी) लाई सरकार चलाउन आवश्यक बहुमत दिलाउन जनतासमक्ष उनले अपिल नै गरे । कार्यक्रममा जनवादी गायक जेवी टुहुरे, गिरिराज पौडेललगायतले आ–आफ्ना सांस्कृतिक प्रस्तुतिहरु पस्कँदै परिवर्तन पक्षधर शक्तिलाई दुई तिहाई मत दिन आग्रह गरे । युवा हाँस्य व्यङ्ग्यकारको प्रस्तुतिले सहभागिहरुलाई थप उत्साहित बनाएको थियो ।

एकीकृत नेकपा (माओवादी) का केन्द्रीय सदस्य एवम् पूर्व अर्थमन्त्री वर्षमान पुनको मुख्य आतिथ्यतामा आयोजना गरिएको सो कार्यक्रममा विभिन्न खेलका प्रदर्शनीहरु प्रस्तुतिहरु प्रस्तुत गरिएका थिए । झापा क्षेत्र नम्बर ७ का उम्मेद्वार तथा पूर्वसँस्कृति मन्त्री गोपाल किराँतीका लागि लक्षित गरेर आयोजना गरिएको कार्यक्रममा ४ हजार बढी सर्वसाधारणको सहभागिता रहेको थियो ।