• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   चैत २३ र २४ गते लुम्बिनीमा अन्तर्राष्ट्रिय शान्ति मेला ★   नेविसंघद्वारा सरकारविरुद्ध सडकमै हवन गरेर बिरोध ★   सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह ★   एकीकृत समाजवादीः बागमती प्रदेशका पाँच जिल्ला अधिवेशन सम्पन्न ★   राष्ट्रपतिद्वारा विधेयक प्रमाणीकरण ★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ ★   अर्थमन्त्री वर्षमान पुनले गरे बजेट लेखन समिति गठन ★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी

तयार हुनुहोस् बाबु नानीलाई पोलियो थोपा खुवाउन



वीरगन्ज, ५ पुस –

राष्ट्रिय पोलियो खोप अभियानअन्तर्गत पहिलो चरणमा यही पुस ६ र ७ गते जिल्लाभरिका पाच वर्षमुनिका बालबालिकालाई पोलियोको थोपा खुवाइँदैछ । दोस्रो चरणमा माघ ११ र १२ गते पोलियोको थोपा खुवाइने कार्यक्रम रहेको छ ।यस वर्षको राष्ट्रिय पोलियो खोप अभियानलाई भव्यताका साथ सफल पार्न पर्सामा आवश्यक सम्पूर्ण गृहकार्य पूरा भइसकेको जिल्ला जनस्वास्थ्य कार्यालयले जनाएको छ ।

 

 

 

जिल्ला जनस्वास्थ्य कार्यालयका अनुसार, पर्सामा जन्मेदेखि पाच वर्षमुनिका झन्डै एक लाख २३ हजार ३८६ जना बालबालिकालाई पोलियो थोपा खुवाइने लक्ष्य राखेको छ ‘नजिकको खोप केन्द्रमा लगी पोलियो थोपा खुवाऔँ, पोलियो सदाका लागि भगाऔँ’ भन्ने मूल नाराका साथ भोलि सुरु हुने यो अभियानका लागि जिल्लाभर ८७२ वटा बुथ कायम गरिएको छ । यस कार्यका लागि १७५ जना स्वास्थ्यकर्मी र एक हजार ७४४ जना स्वयम्सेवक परिचालन गरिएको छ ।

 

 

 

बयासी गाविस र एक वीरगन्ज उपमहानगरपालिका रहेको पर्सामा पोलियो थोपा खुवाउने दिन जिल्ला जनस्वास्थ्य कार्यालयले नेपाल–भारत सीमा नाकामा समेत खोप केन्द्र स्थापना गरी बालबालिकालाई पोलियो थोपा खुवाउने व्यवस्था मिलाएको छ ।पोलियो खोप अभियानको प्रभावकारिताका लागि जिल्ला खोप अभियान समितिका अध्यक्ष एवम् पर्साका स्थानीय विकास अधिकारी गजेन्द्रकुमार ठाकुरको संयोजकत्वमा सात सदस्यीय अनुगमन तथा मूल्याङ्कन समिति गठन गरिएको छ ।