सिड्नी, २७ डिसेम्बर । अष्ट्रेलियाको सिड्नीमा अन्तर राज्यस्तरीय एनआरसी खेलकुद प्रतियोगिता सुरु भएको छ । नयाँ बर्ष २०१४ को उपलक्ष्यमा प्रतियोगिता शुक्रबार सुरु भएको हो । प्रतियोगिता अन्तर्गता शुक्रबार Chhatswood गल्फ क्लबमा गल्फ प्रतियोगिता र North Ryde आरएसएल क्लबमा टेनिस खेल सम्पन्न भएको छ । शनिबार ओलम्पिक पार्कमा ब्याडमिन्टन हुने र आइतबार ओलम्पिक पार्कमा नै टेबल टेनिस प्रतियोगिता हुने आयोजक एनआरसी अष्ट्रेलियाले जनाएको छ ।
प्रतियोगिताका लागि अष्ट्रेलियास्थित नेपाली राजदुतावासले पाँच सय डलर सहयोग गरेको छ ।खेलकुद प्रतियोगिता आइतवार समापन हुनेछ । समापन कार्यक्रममा अष्ट्रेलियाका लागि नेपाली राजदुत रुद्रकुमार नेपालको प्रमुख आतिथ्य रहनेछ ।
खेलकुदका माध्यमबाट नेपालीहरुका बीचमा भातृत्व र सदभाव बढाउने विश्वास आयोजकहरुले व्यक्त गरेका छन ।
