• २० असार २०७९, सोमबार
  •      Mon Jul 4 2022
Logo
Latest
★   बहुप्रतिष्ठित पोखरा खानेपानी सुधार आयोजनाको ८५ प्रतिशत काम सकियो ★   सिंहदरबार वैद्यखाना: चार महिनापछि औषधि उत्पादन सुरु,कर्मचारीले पनि पाए तलब ★   महोत्तरीका किसान रोपाइँमा व्यस्त ★   मानव र वन्यजन्तु द्वन्द्वबाट ५२ जनाले ज्यान गुमाए ★   मकवानपुरमा जन्ती बोकेको ट्र्याक्टर दुर्घटना हुँदा एक जनाको मृत्यु, २६ घाइते ★   सनराइज बैंकले ल्यायो कस्टमाइज फोटो कार्डको सुविधा ★   श्रावण महिनाभर एमाले बाग्मतीले ‘सुशु’ अभियान संचालन गर्ने ★   एमालेभित्रको अन्तर्घात छानबिन गर्न कार्यदल ★   १७ डिआइजीलाई दज्र्यानी चिह्न ★   निर्वाचनमा भएका अन्तरघातको छानबिनका लागि एमालेले बनायो समिति

नेपालमा सहयोग गर्न अष्ट्रेलियामा जन्मियो ‘नाय्फा’



सिड्नी। अष्ट्रेलियामा छरिएर रहेका नेपाली युवाहरुको प्रतिभा प्रवर्द्दन र नेपाललाई सहयोग गर्न अष्ट्रेलियामा युवा समुह गठन गरिएको छ ।
अस्ट्रेलियामा विभिन्न विधामा सकृय युवाहरूको प्रतिभालाई उकास्ने तथा नेपालमा उनिहरूको सीप, श्रम तथा अन्य सहयोग पुर्याउने उद्देश्यले नेपाली युथ फोरम अस्ट्रेलिया‘ ‘नाय्फा’ को शुभारम्भ गरिएको हो । विभिन्न पेशा व्यवसायमा रहेकाहरु सबै जाति, वर्ग र विचारका युवाहरु मिलेर विश्व जगतवाट नेपाललाई सहयोग पुर्याउन यो संस्थाको शुरुवात गरिएको संस्थाले जनाएको छ ।
एक कार्यक्रमका बीचच न्यु साउथ वेल्सका महावाणिज्यदुत दिपक खड्काले सिड्नीको एशफिल्ड पार्कमा ‘नाफा’ को शुभारम्भ गरे । कार्यक्रममा उनले युवाहरु बीच फुट्ने हैन जुट्ने अभियान सन्चालन गरिएकोमा सबैलाई बधाई दिए ।
प्रवासमा रहेका नेपाली युवाहरु बीच थुप्रै प्रतीभा रहेको भन्दै उनले एकताको अभावका कारण उल्लेखित उपलब्धि हासिल हुन नसकेको औंल्याए ।
सो अवसरमा उपस्थित बक्ताहरूले नेपाली जनशक्ति राजनीति, जातजाति वा कुनैपनि विषयले संस्थामा मत विभाजन हुन नहुनेमा जोड दिएका थिए । कार्यक्रममा गैरआवसिय नेपाली संघ अष्ट्रेलियाका अध्यक्ष महेन्द्र वोली, एनआरएन केन्द्रिय कार्यसमितिका तर्फबाट रन्जु थापा, बिष्णु हमाल लगायतको सहभागिता रहेको थियो ।
उनीहरुले नेपाललाई अव बोलेर हैन कामले सहयोग गर्ने बेला आएको भन्दै सबै भेदभाव विर्सेर नेपाली हुँ भन्ने पहिचानका साथ एएकताबद्व रुपमा सहयोगका हात बढाउन आग्रह गरेका थिए ।
अष्ट्रेलियामा रहेका युवाहरुको प्रतीभा स्वदेशका लागि उपयोगी बनाउन विदेशमा युवा जागरण अभियान थालीएको आयोजक संस्थाले जनाएको छ ।
भरत देबकोटाको संयोजकत्वमा रहेको संस्थाका कार्यकारी समितिमा हाल १९ जना रहेको र यसलाई अझ विस्तार गर्दै विभिन्न स्टेट र विश्वका अन्य भाग सम्म पुर्याउने लक्ष्य रहेको बताइएको छ ।