सिड्नी । नेपाली वाङ्ग्मयमा लोकपृय बन्दै गएको गजल प्रवासको नेपाली समाजमा पनि लोकपृय बन्दै गएको भन्दै सिड्नीमा गजल मशायरा कार्यक्रमको आयोजना गरिएको छ । प्रवासमा गजल विधाको उत्थान तथा प्रवर्धन गर्ने उदेश्यका साथ सिड्नीमा नेपाली कला संस्कृति तथा साहित्य प्रतिष्ठान अस्ट्रेलियाले गजल कार्यक्रम गर्न लागेको हो ।
अन्तराष्ट्रिय नेपाली साहित्य समाज (अनेसास) को साथमा हुने सम्पूर्ण गजल कार्यक्रम ूगजल मुशायराूमा सहभागी हुन आयोजकले सिड्नीमा रहेका नेपालीहरुलाई आह्वान गरेको छ ।
यहि अगस्ट २४, २०१४ आइतबारको दिन आयोजना गरिने कार्यक्रममा सिड्नीमा रहेका दश जना गजलकारहरुको गजल वाचनका साथै गजल गायन एवं नृत्य पनि प्रस्तुत गरिने छ ।
साहित्य तथा संगीतको अनुपम संयोजन रहने उक्त गजलमय मनोरन्जनात्मक कार्यक्रममा अनौपचारिक रहने र कुनै औपचारिकताहरु समावेश नगरिएको आयोजकले जनाएको छ ।
एस्फिल्ड क्याथोलिक क्लबमा दिउसो एक बजे हुने कार्यक्रममा प्रवेश ूनिशुल्कू रहेको कार्यक्रममा उपस्थिती भई सर्जकहरुको हौसला बढाउन आयोजकले आग्रह गरेको छ ।
