• १५ चैत्र २०८०, बिहीबार
  •      Thu Mar 28 2024
  •   Unicode
Logo
Latest
★   उत्तरपुस्तिका हराएको विषयमा छानबिन गर्न उच्चस्तरीय समिति गठन ★   शिक्षा मन्त्रालयका बीस कर्मचारीलाई स्पष्टीकरण ★   मन्त्रिपरिषद्को बैठक: सचिव पदमा लम्सालको बढुवा,चैते धानको मूल्य निर्धारण  ★   नेपालको पर्यटकीय सम्भावनालाई विश्वमा प्रचार गर्नसके चार गुणा पर्यटक आउँछन्: सांसद राणा ★   इलाम २ मा रास्वपाका उम्मेदवार मिलन लिम्बू ★   एमडीएमएस खरिदमा अनियमितता गरेको अभियोगमा २० जनाबिरुद्ध मुद्दा दर्ता ★   कर्णाली नदीमा हाम फालेर बेपत्ता भएका युवक मृत फेला ★   सवारी दुर्घटनाबाट दैनिक ७ जनाको मृत्यु हुने प्रहरीको तथ्यांक ★   सादा पोशाकमा जनशक्ति परिचालन नगर्न गृहको निर्देशन ★   चीनमा आँधीको चेतावनी

पुष्कर शाहले सुनाए विश्वयात्राको रोमाञ्चक अनुभव



सिड्नी । अस्ट्रेलियाको यात्रामा रहेका विश्व साईकल यात्री पुश्कर शाहले सिड्नीका नेपालीहरुलाई आफुले भोगेका अनुभव सुनाएका छन् ।
१७ अगष्ट आईतवार रकडेलमा रहेको सेन्ट जर्ज माइग्रेसन सेन्टरमा भएको कार्यक्रममा शाहले विश्वयात्राका बारेमा भोगेका रोमान्चक विवरण सुनाएका थिए ।
कार्यक्रमका प्रमुख अतिथि समेत रहेका न्यु साउथ वेल्सका लागि नेपाली महाबाणिज्यदुत दिपक खड्काले शाहले नेपाल र नेपालीलाई विश्वमा चिनाएको बताए ।
शान्तिका लागि शाहले शुरु गरेको विश्व साईकल यात्रा आज पनि सान्दर्भिक रहेका खड्काको भनाई थियो । कार्यक्रममा एनआरएन संरक्षक इन्द्रा वनले पुष्कर शाह विश्व माझ नेपालीको दुत भएको भन्दै दोस्रो पटक अस्ट्रेलियामा शाहलाई स्वागत गर्न पाएकोमा खुशी ब्यक्त गरिन ।
कार्यक्रममा दोलखा निवासि केदार पोखरेलले शाहको बारेमा तयार पारिएको कविता प्रस्तुत गरेका थिए ।
दुई महिना अघि सिड्नी आएका शाहको यो दोस्रो अस्ट्रेलिया भ्रमण हो । उनले अस्ट्रेलियाका सबै राज्यको साइकलबाट यात्रा गरेका छन् । यात्राका क्रममा भेटेका नेपालीहरुसँग शाहले नेपालको दुर्गम हिमाली क्षेत्रको बिकास गर्न अघि सारिएको “ग्रेट हिमालयन ट्रेल” को बारेमा प्रस्तुति गरेका थिए । साइकल पर्यटन मार्फत ती क्षेत्रमा सामाजिक रुपमन्तरण गर्ने आफ्नो योजना रहेको शाहले सुनाए ।
पुष्कर शाहको अस्ट्रेलियाको यात्रालाई सहयोग गर्दै आएका चिन्तन ढुंगेलले साहको यात्रा अनुभव र परोपकारी परियोजनाबारे सिड्नीबासी नेपालीलाई जानकारी दिन कार्यक्रमको आयोजना गरिएको बताए ।