• १२ मंसिर २०७९, सोमबार
  •      Mon Nov 28 2022
Logo

महोत्सव तताउन कलाकारहरु सिड्नीमा



सिड्नी । अष्ट्रेलियाको सिड्नीमा हुने नेपाल फेष्टिबलमा सहभागी हुन नेपाली कलाकारहरु सिड्नी पुगेका छन् । महोत्सव आउन तीन दिनमात्रै बाँकी रहँदा कलाकारहरु सिड्नी पुग्न सुरु गरेका हुन् ।
सेप्टेम्बर ६ मा तारिखमा आयोजना हुने नेपाल फेष्टिबलमा उनीहरुले गीतसंगितमार्फत मनोरञ्जन दिनेछन् । आज मात्रै नेपाली गायकहरु अनिल सिंह र शिरिष देबकोटा सिड्नी पुगेका छन् ।
आज सिड्नी पुगेका सिंह र देबकोटालाई एनआरएन अष्ट्रेलियाका पदाधिकारीहरुले विमानस्थलमा स्वागत गरेका थिए । अर्का गायक निमा रुम्बा भोलि विहीबार पुग्ने गैरआवासीय नेपाली संघ अष्ट्रेलियाले जनाएको छ । उनी अमेरिकाबाट महोत्सवलाई थप रौनक दिन सिधै अष्ट्रेलिया जान लागेका हुन् । एक खुट्टाले नाच्ने कलाकार रोमा न्यौपाने अष्ट्रेलियामा नै रहेकी छिन् । 

एक खुट्टाले नाच्ने कलाकार रोमा न्यौपाने

तस्वीरः एनआरएन अष्ट्रेलिया