काठमाडौं, ७ मंसिर । शिखर सम्मेलनमा सहभागी हुन सार्क मुलुकका आठै राष्ट्रप्रमुखसहित अतिविशिष्ट श्रेणीका सबै पाहुना (भीभीआईपी) लाई खाना खुवाउने खाना नेपाली खाद्यविज्ञको प्रत्यक्ष रेखदेखमा तयार गरिनेछ ।
पाहुनलाई प्रत्यक्ष रेखदेखमा खाना तयार गर्न सरकारले खाद्य प्रविधि तथा गुण नियन्त्रण विभागका वरिष्ठ खाद्यविज्ञ तथा उपसचिव कृष्ण राईको संयोजकत्वमा २९ सदस्यीय उच्चस्तरीय ‘खाद्य तथा पेय पदार्थ सुरक्षा टोली’ बनाएको छ ।
समूहमा विभागबाट राईसहित चारजना वरिष्ठ खाद्यविज्ञ, नेपाली सेनाका एक, नेपाल प्रहरीका एक र सशस्त्र प्रहरीको एक गरी तीनजना पोषणविज्ञ खटिएका छन् ।
नेपाल प्रहरीबाट एकजना विष (प्वाइजन) विज्ञ र लागूऔषध नियन्त्रण ब्यूरोबाट एकजना नार्कोटिक वित्र पनि समूहमा छन् ।
होटेलका कामदार, भान्जाकोठा र खाद्य पदार्थको सरसफाइ तथा गुणस्तर निर्धारण, खाना पाक्ने र भण्डारण कक्षको तापक्रम निर्धारण, कच्चा पदार्थको गुणस्तर निर्धारण, परीक्षण र नमूना लिने जिम्मेवारी टोलीलाई दिइएको छ । आजको अन्नपूर्ण पोष्ट दैनिकमा खबर छापिएको छ ।
