काठमाडौं । शहिद स्मारक ए डिभिजन लिग फुटबलमा आज लिग लिडर मनाङ मर्स्याङ्दी र त्रिभुवन आर्मी क्लबबीच प्रतिस्पर्धा हुदैछ ।ललितपुरको एन्फा कम्प्लेक्सको मैदानमा आज दिउँसो २ बजेर ३० मिनेटमा खेल सुरु हुनेछ ।
लिगको चौथो स्थानमा रहेको आर्मीलाई मनाङविरुद्धको खेल जित्नै पर्ने दबाब रहेको छ । लिग लिडर मनाङले सात खेलबाट शतप्रतिशत जित हात पार्दै २१ अंक बनाएको छ । आर्मीले समान खेलबाट पाँचमा जित र दुई खेलमा बराबरी खेल्दै १७ अंक जोडेको छ ।
त्यस्तै,अहिले विभागीय टिम नेपाल पुलिस क्लबले फ्रेन्ड्स क्लबसँग प्रतिस्पर्धा गर्दै छन् । आफ्नो उपाधि होडलाई कायमै राख्नका लागि पनि पुलिसलाई जित्नै पर्ने दबाब छ । पुलिसको सात खेलबाट ११ अंक रहेको छ भने फ्रेन्ड्सको समान खेलबाट पाँच अंक मात्रै रहेको छ ।
