इटालि । इटालियन सिरी ए लिगमा लिग लिडर युभेन्टसले जित हात पारेको छ । शनिबार राति भएको खेलमा युभेन्टसले टोरिनोलाई १–० गोलअन्तरले पराजित गर्दे कठिन पुर्ण जित हासिल गरेको हो । युभेन्टसको जितमा उसका स्टार खेलाडि क्रिष्टियानो रोनाल्डोले गोल गरेका हुन् ।
पहिलो हाफमा उत्कृष्ठ खेल सहित गोलरहित बराबरीमा रोकेपनि टोरिनोले खेलको दोस्रो हाफमा गोल खान पुग्यो । खेलको ७०औं पाएको पेनाल्टीबाट रोनाल्डोले गोल गर्दै युभेन्टसलाई अग्रता दिलाएका थिए । बाँकी समयमा कुनै खेलाडि चल्न नसक्दा खेल युभेन्टसले १–० गोलले जितेको हो ।
शनिबार राति नै भएको अर्को खेलमा इन्टर मिलानले उडिनेसलाई १–० गोलले नै पराजित गरेको छ ।
जितपछि शीर्ष स्थानमा रहेको युभेन्टसले १६ खेलबाट ४६ अंक बनाएको छ । पराजित टोरिनोको भने २२ अंक रहेको छ । लिगको तेस्रो स्थानमा रहेको इन्टर मिलानको भने १६ खेलबाट ३२ अंक रहेको छ ।
