बलिउडका सुलतान, भाइजान र बलिउडमा हिट मेसिन आदि नामले परिचित सुपरस्टार नायक सलमान खानले आज आफ्नो ५३ औं जन्मदिन मनाउने भएका छन्। खानले आफ्नो जन्मदिनको एक दिन अगाडि नै अर्थात वुधबार राती आफ्नो फार्म हाउसमा भव्य पार्टी दिएको भिडियो भारतिय संचार माध्यममा भाइरल भएको छ । उक्त पार्टीमा सलमानले डान्स समेत गरेको भिडियो अहिले भाइरल भैरहेको छ ।
पार्टीमा सहभागी हुन उनका पूर्ब प्रेमिका कट्रिना कैफ, अनिल कपुर, दबंङ गल सोनाक्षी सिन्हा, कृति सेनन र मौनी रोय आदि बलिउडका हस्ति पुगेका थिए ।
आफ्नो विवादस्पद छवि, हिट चलचित्र, प्रेम सम्बन्ध, शरीरका कारण र सलमान खानले संचालन गर्दै आएको ‘विइङ ह्यूमन’ नामक संस्थाले समाजसेवामा आदिले गर्दा सलमान मिडियामा छाइरहने गरेका छन् ।
उमेरले हाफ सेन्चुरी मारिसकेका सलमान आजसम्म अविवाहित रहेका छन् ।
