काठमाडौं । नेपाली कांग्रेसका युवा नेता गगनकुमार थापाले संसदमा बोल्दै गर्दा एका–एक माइक काटिएको विषयमा कांग्रेसले विरोध जनाएको छ ।
शुक्रबारको संसदको बैठकमा सांसद थापालाई सभामुख कृष्णबहादुर महराले तीन मिनट बोल्नको लागि समय छुट्टाए पनि तिन मिनेट अगिनै माइक काटेको आरोप लगाएका हुन् । थापा बोल्दै गर्दा आफनो मोबाइलको घडी हेरेर कम्युनिस्ट सरकारका गलत क्रियाकलापहरूको विरोध गरेका थिए । यसै क्रममा महराले माइक काटेको नेताहरुले आरोप स्वरुप बिरोध प्रर्दशन गरेका थिए ।
तीस सेकेण्ड समय हुँदा हुँदै सभामुखले माइक काटेपछि कांग्रेसका मुख्य सचेतक बालकृष्ण खाँडले उभिएर संसद भवनभित्र रहेको घडी बिग्रिएको भन्दै विरोध गरेका थिए । उनले गगन थापाले बोल्दै गर्दा समय हुँदाहुँदै किन माइक काटेको भनेर चर्के स्वरमा होहल्ला समेत गरेका थिए ।
त्यसपछि सभामुख महराले संसद भबनमा रहेको घडिमा प्राविधिक समस्या रहेको भन्दै सचिवालयलाई घडी बनाउन आदेश दिएका थिए ।
थापाले शेरबहादुर देउवाले नेतृत्वको सरकारले ल्याएको कर्मचारी समायोजनसम्बन्धी विधेयकलाई तोडमोड गरेर आफु अनकुल कम्युनिस्ट सरकारले बनाएको भन्दै विरोध गरेका हुन् ।
आफु अनकुल अध्यादेशलाइ खारेज गरेर कर्मचारी समायोजन विधेयक सदनमा पेश गर्न कांग्रेसका थापाले सरकारलाई ठाडै चेतावनी दिएका थिए ।
