काठमाडौँ । अख्तियार दुरुपयोग अनुसन्धान आयोगले कम्पनी रजिष्टारको कार्यालय त्रिपुरेश्वर, काठमाडौंका सहायक रजिष्टार गीता कुमारी पन्थीलाई नियन्त्रणमा लिएको छ ।
कम्पनी रजिष्टारको कार्यालय त्रिपुरेश्वर काठमाडौंमा दर्ता रहेको स्कुलको बाँकी रहेको कर तिर्न जाँदा राजश्व रकम कम गरिदिने बहानामा सेवाग्राहीसँग घुस रकम माग गरिरहेको भन्ने सूचनाको आधारमा अख्तियार दुरुपयोग अनुसन्धान आयोगको टङ्गालबाट खटिएको टोलीले पन्थीलाई पक्राउ गरेको हो ।
सहायक रजिष्टार पन्थीले सेवाग्राहीसँग रू १,००,००० घुसबापतको रकम लिई छोरी पोषण पन्थीलाई राख्न दिएको अवस्थामा दुवै जनालाई काठमाडौं महानगरपालिका वडा नं.१४ स्थित एन.एम.बि. बैङ्कको पार्किङ्गबाट हिजो नियन्त्रणमा लिएको थियो ।
पक्राउ परेका दुबै जनामाथि थप अनुसन्धान भइरहेको आयोगले जनाएको छ ।
