काठमाडौं । त्रिशूली–३ ‘बी’ जलविद्युत् आयोजनास्थलमा फसेका व्यक्तिहरूको खोज तथा उद्धार कार्यका लागि सुरुङभित्र प्रवेश गर्ने तयारी अघि बढाइएको छ।
उद्धार टोलीले हालसम्म सुरुङको फ्रन्ट फेसमा चार वटा प्वाल ड्रिलिङ सम्पन्न गरेको छ। ड्रिलिङबाट प्राप्त प्रगतिका आधारमा अब फ्रन्ट फेसबाटै सुरुङभित्र प्रवेश गरी खोज तथा उद्धार कार्य अघि बढाउने तयारी भइरहेको छ।
उद्धार कार्यलाई सुरक्षित र प्रभावकारी बनाउन आवश्यक प्राविधिक तयारी तथा सम्बन्धित निकायबीचको समन्वय निरन्तर भइरहेको जनाइएको छ।
आयोजनास्थलको भौगोलिक तथा प्राविधिक अवस्थालाई ध्यानमा राख्दै उद्धार टोलीले सुरुङभित्र प्रवेश गर्ने प्रक्रिया अघि बढाउने तयारी गरेको हो। उद्धारका क्रममा सम्भावित जोखिम न्यूनीकरणका लागि आवश्यक सावधानी र प्राविधिक उपायसमेत अपनाइँदैछ।
