काठमाडौं । अनशनरत डा.गोविन्द केसीको उपचारका लागि ८ सदस्यीय स्वास्थ्य उपचार टोली बनाइएको छ । हाल त्रिवि शिक्षण अस्पताल महाराजगञ्जमा आईसियुमा रहेका डा.केसीको उपचारका लागि डाक्टर सुवास आचार्यको संयोजकत्वमा ८ सदस्यीय टोली निर्माण गरिएको हो ।
उपचार टोलीमा डा.सुर्य देवकोटा, डा.प्रमेससुन्दर श्रेष्ठ डा.पङ्कज पन्त, डा.रविन नेपाली, नर्स गङ्गा थापा र डा.दिब्या सिङ्ग लगायत रहेका छन ।
१६ औँ पटकको अनसन बसेका डा. केसीको स्वास्थ्य स्थिति गम्भीर बन्दै गएपछि उनलाई
त्रिवि शिक्षण अस्पताल महाराजगञ्जमा ल्याईएको थियो ।
डा. केसीको रक्तचाप बढ्नुका साथै फोक्सोमा सङ्क्रमण बढ्दै गएको र मुटुको गति पनि अनियमित भएर शिथिल भएपछि अस्पताल भर्ना गरिएको थियो ।
डा. केसी चिकित्सा शिक्षा विधेयक जनताका पक्षमा हुनुपर्ने, १५औँ अनसनका क्रममा सरकारले गरेको सहमति कार्यान्वयन हुनु पर्नेसहितका छ बुँदे माग राखेर इलाममा यही पुस २५ गतेदखि अनसनमा बसेका थिए ।
