१८ माघ २०८१, शुक्रबार
,
Latest
गायिका एलिना चौहानले गरिन् सम्बन्धविच्छेदको मुद्दा दायर प्रतिनिधिसभामा छ वटा अध्यादेश पेश अध्यादेश भन्ने बित्तिकै गलत नै हुन्छ भन्ने धारणा सही होइनः महामन्त्री शर्मा हिउँदे अधिवेशनलाई जनताको जीवनमा सुधार ल्याउने गरी अघि बढाउन खबरदारी गर्छौंः जनार्दन शर्मा खाडीको पैसाले सरकार र संसद चलिरहेको छ, प्रधानमन्त्रीले विकासको कुरा गर्दा आश्चर्य लाग्छः अध्यक्ष केसी टिपटप डीएभी क्रिकेट एकेडेमीले जित्यो इन्डो-नेपाल क्रिकेटको उपाधि सामाजिक सञ्जालसम्बन्धी विधेयक नियन्त्रणका लागि नभइ प्रभावकारी नियमनका लागि: महेश बर्तौला भ्याली पब्लिक र फेरिल्यान्ड च्याम्पियन किक बक्सिङ टोली भारत प्रस्थान अध्यक्ष राउतको आरोपः संसदको साँचो सरकारसँग हुँदो रहेछ, सरकारको फोन कुरेर न्यायालयले फैसला गर्छ
तपाईं के खोज्दै हुनुहुन्छ ?

देशकै जेठो अस्पतालमा चरम लापरबाही, आकस्मिक कक्षको मुख्य ढोकामै शव



अ+ अ-

काठमाडौं। देशकै जेठो वीर अस्पतालमा शवगृह नहुँदा बेवारिसे शव र बिरामी एकै ठाउँमा राख्ने गरिएको छ । अस्पतालले इमर्जेन्सी बिरामी र कुरुवा आवतजावत गर्ने गेटमै शव राख्ने गरेको छ ।

भुइँतलास्थित आकस्मिक कक्षको मुख्य ढोकामै बेडमा छोपेर शव राख्ने गरिन्छ । कुरुवा नभएका बिरामीलाई ढोकानजिकै भित्र राखिएको हुन्छ । यही बाटो भएर बिरामी र बिरामीका आफन्त इमर्जेन्सी, एक्स–रे, ल्याब तथा ब्लड बैंक जाने गर्छन् । बाटोमा शव देख्दा केटाकेटी र बिरामी तर्सिने गरेको चिकित्सकहरू बताउँछन् । यो अवस्थाले बिरामीमा मानसिक र शारीरिक समस्या आउन सक्ने उनीहरू बताउँछन् ।

अस्पतालका इमर्जेन्सी विभाग प्रमुख डा। भोलाराम श्रेष्ठले बिरामी र शव एकै ठाउँ राख्नु बाध्यता भएको बताए । ‘अहिले वीरमा शव राख्ने ठाउँ छैन । आफन्तले नलगुन्जेल ढोकाछेउमा पर्दाले छोपेर राख्नेबाहेक अरू काम गर्न सकिँदैन । शवलाई बिरामी राख्ने बेडमा सँगै राख्न मिल्दैन । दिनहँु बिरामी र आफन्तको गुनासो आएको छ । तर, समाधान गर्न सक्ने तत्काल अवस्था छैन,’ डा। श्रेष्ठले भने । लामो समय शव राख्नुपर्ने अवस्था आए फरेन्सिक मेडिसिन विभाग महाराजगन्ज र पशुपति आर्यघाटमा रहेको फ्रिजमा लैजाने गरेको उनले बताए ।

सरकारले नीति तथा कार्यक्रममै समेटेको औषधिमा आत्मनिर्भर बन्ने योजना कागजमै सीमित बनेको छ । पहिलो चरणमा ३० प्रकारका औषधि आयातमा प्रतिबन्ध लगाएर नेपाली औषधि उद्योगहरूको क्षमता मूल्यांकन गर्ने सरकारको योजना थियो । तर, ती औषधिको सूची केही समयअघि मन्त्रिपरिषद्मा पुगे पनि प्रक्रियामा अघि बढेको छैन ।

नेपाल औषधि उत्पादक संघका महासचिव प्रज्वलजंग पाण्डेले औषधिमा आत्मनिर्भर हुन सरकारबाट कुनै ठोस काम अघि नबढेको बताए । ‘सामान्य, तर महत्वपूर्ण ३० प्रकारका औषधिमा आत्मनिर्भर रहेको भन्दै ती औषधि आयातमा प्रतिबन्ध लगाउने सरकारको योजना छ,’ पाण्डेले भने, ‘तर, अहिलेसम्म कुनै काम अघि बढेको छैन । मन्त्रिपरिषद्मा अड्किएको फाइल निर्णय भए ठोस काम अगाडि बढ्नेमा हामी विश्वस्त हुने ठाउँ हुन्थ्यो ।’ नयाँ पत्रिका दैनिकले समाचार छापेको छ ।