काठमाडौँ । अख्तियार दुरुपयोग अनुसन्धान आयोगका आयुक्त राजनाराण पाठकमाथि अख्तियारले कारबाही थालेको छ । संवैधानिक निकायका सदस्यमाथिको कारबाही कसरी गर्ने भन्ने बारेमा अख्तियारले मागेको रायबमोजिम महान्यायाधिवक्ताको कार्यालयले अख्तियारले नै कारबाही अघि बढाउन पाउने सुझाव दिएपछि उनीमाथि छानबीन आयोग गठन गरी काम सुरुगरेको छ । यसरी उनीमाथि अख्तियरमा नै उजुरी दिएपछि कारबाही थालिएको र सम्भवत एक दुई दिनमा उनी अख्तियारको थुनामा पनि पर्ने सम्भावना छ ।
तर यहाँ उल्लेख गर्न खोजिएको एक रमाइलो प्रसंग के हो भने पाठकमात्र पनि त्यो घुस काण्डका दोषी ठहर नहुन पनि सक्ने देखिन्छ । त्यो घुस काण्डमा अख्तियारकै पूर्व कार्यबाहक प्रमुख रहेका दीप बस्न्यात पनि पर्न सक्ने देखिएको छ । बस्न्यातलाई पाठकले पोल्न सक्ने पछिल्लो रहस्य खुलेको छ । आइतबार बिहान पाठकसहित बस्न्यात, र अन्य आयुक्तहरु सावित्री गुरुङ तथा गणेशराज जोशी बस्न्यातको बानेश्वर हाइटमा रहेको घरमा बैठक बसेको थियो ।
सो बैठकमा बस्न्यात र ती आयुक्तहरुले अख्तियारले यसरी आफ्नै पूर्व आयुक्तमाथि छानबीन गर्दा आयोगको इज्जतमाथि मान मर्दन हुने भन्दै त्यसो नगर्न उनीहरुले नविनकुमार घिमिरेमाथि दबाब दिने निर्णय गरेका थिए । उनीहरु यो निर्णय लिएर प्रमुख आयुक्त घिमिरेको घरमा पुगेका बताइएको छ । तर यस बारेमा आयुक्त जोशीले भने केही जवाफ नदिएको समाचार स्रोतले जनायो ।
आफूले बस्न्यातको सल्लाहअनुसार नै यो काम गरेको भन्दै यदि आफूमाथि छानबीन हुने हो भने आपूmले पनि सोही अनुसारको बयान दिने भन्दै पाठकले बस्न्यातलाई चेतावनी दिएको पनि समाचार स्रोतले जनायो ।
स्रोतले भन्यो, यदि अख्तियारले छानबीन नै गर्यो र पाठकमाथि बयान लिने काम भयोभने उनले बस्न्यातलाई पनि पोल्ने छन् र उनीमाथि पनि यसैगरी कारबाही हुनेछ । त्यसैकारण अहिले अघि बढेजस्तै कारबाहीको प्रक्रियाले पूर्णता पायोभने त्यसले बस्न्यातलाई तनाब हुने निश्चित देखिन्छ ।
