काठमाडौँ । कांग्रेसका वरिष्ठ नेता रामचन्द्र पौडेल र पूर्व महामन्त्री कृष्णप्रसाद सिटौला पक्षले सहमतिबाट अनुशासन र निर्वाचन समिति गठनको माग गर्दै बैठकमा नगएपछि कांग्रेस बैठक स्थगित गरिएको छ ।
मंगलबार ११ बजे बैठक बोलाइएपनि सभापति शेरबहादुर देउवासहित संस्थापन पक्षीय सदस्यहरु बैठक हलमा बसेपनि पौडेल र सिटौला पक्षका नेता तथा सदस्यहरु पार्टी केन्द्रीय कार्यालयमै रहेपनि बैठक हलमा नगाएपछि बैठक स्थगित गरिउको हो ।
संस्थापन इतरपक्षको अनुपस्थितीका कारण सभापति देउवाले बैठक सुरु गर्न नसकेपछि स्थगित गरिएको हो । केन्द्रीय सदस्य अर्जुनरसिंह केसीले अनुशासन र निर्वाचन समिति पार्टीका अर्धन्यायिक निकाय रहेकाले सहमतिबाटै गठन गर्नुपर्ने माग आफूहरुले उठाएको बताए।
देउवाले बैठक सुरु भएपछि बहुमतबाटै यी दुई समिति गठन गर्ने तयारी गरेका छन्। उनले यसअघि दुवै समितिमा पौडेल पक्षबाट दुई/दुई सदस्यको नाम दिन आग्रह गरेका थिए।
