काठमाडाैंः अख्तियार दुरूपयाेग अनुसन्धान अायाेगले मध्यपश्चिमाञ्चल ग्रामीण विकास बैंक लिमिटेड, प्रधान कार्यालय, नेपालगञ्जमा सहायक अधिकृत पदमा कार्यरत पुष्पा दुरा समेतले सेवा प्रवेश तथा बढुवाका लागि नक्कली शैक्षिक प्रमाणपत्र भारतबाट ल्याई पेश गरी सुविधा लिएको भन्दै विशेष अदालत काठमाडौंमा आरोप-पत्र दायर गरेकाे छ ।
अायाेगका प्रवक्ता रामेश्वर दंगालका अनुसार, सहायक अधिकृत पुष्पा दुराले डा. राममनोहर लोहिया अवध विश्वविद्यालय, फैजावाद (उ.प्र.) अन्तर्गतको जवाहरलाल नेहरु पी.जी. कलेज बाराबंकी, भारतबाट प्राप्त गरेको स्नातक(बी.ए.) तहको नक्कली शैक्षिक योग्यताको प्रमाणपत्र पेश गरी सहायक अधिकृत पदमा बढुवा भएकाे देखिएकाे छ ।
यसैगरी, नेपाल विद्युत प्राधिकरण अन्तर्गत सेती फेवा पावरहाउस, पोखरामा कार्यरत इलेक्ट्रिकल फोरमेन (तह ४) वलदेव गिरीको इलेक्ट्रिकल फोरमेन पदमा बढुवा हुने प्रयोजनको लागि नन्दी माध्यमिक विद्यालय, नक्साल, काठमाडौंबाट प्राप्त सेन्टअप टेष्टको नक्कली शैक्षिक योग्यताको प्रमाणपत्र पेश गरी बढुवा भएकाे अायाेगले जनाएकाे छ ।
दुवैमाथि भ्रष्टाचार निवारण ऐन, २०५९ को दफा १६ को उपदफा (१) बमोजिमको कसुर भएको देखिएको भन्दै भ्रष्टाचार निवारण ऐन, २०५९ को दफा १६ को उपदफा (१) बमोजिम सजाय हुन मागदाबी लिई विशेष अदालतमा आरोप-पत्र दायर गरिएको अायाेगले जनाएकाे छ ।
