नयाँदिल्ली । पाकिस्तानले आतंकवादविरुद्ध गाम्भिरता देखाउन चाहेको हो भने पहिले दाउद इब्राहिमलाई आफूहरुसमक्ष बुझाउन भारतले आग्रह गरेको छ । पुलवामा हमलापछि पनि पाकिस्तानले आतंकवादविरुद्ध कुनै कदम नउठाएको भन्दै भारतले यस्तो आग्रह गरेको हो ।
पाकिस्तानले यदी आतंकवादविरुद्ध कदम उठाउने हो भने दाउदलाई आफूहरुलाई सुम्पिनुपर्ने भारतले शर्त राखेको हो । दाउदको साथै सैयद सलाहुद्दीनलाई पनि भारत समक्ष सुम्पनुपर्ने भारतले पाकिस्तानसँग शर्त राखेको छ ।
उनीहरु दुबै भारतीय नागरिक रहेको तर पाकिस्तानमा उनीहरुले संरक्षण पाइरहेको भारतको बुझाइ छ । सन् १९९३ मा भएको मुम्बइ बम हमलाकै कारण दाउद इब्राहिम भारतमा वान्टेड छन् । उनी भारत र अमेरिकाद्वारा अन्तर्राष्ट्रिय आतंकवादी घोषित भएका छन् ।
भारतको तर्फबाट विज्ञप्ति जारी गर्दै उनीहरुलाई भारतसँग नसुम्पिएसम्म पाकिस्तानले आतंकवादविरुद्ध कदम उठाएको पुष्टि नहुने बताइएको छ । अन्नपुर्ण पोष्ट दैनिकमा खबर छ ।
