काठमाडौँ । मधेस केन्द्रीत दुई राजनीतिक दलहरू राष्ट्रिय जनता पार्टी नेपाल र संघीय समाजवादी फोरम नेपालबीच पार्टी एकीकरण प्रक्रिया सुरु भएको छ। एक महिनाअघि नै संघीय फोरमले राजपालाई पार्टी एकीकरणको प्रस्तावसहित पत्र पठाए पनि केही दिनको छलफलपछि राजपाले बुधबार राजेन्द्र महतोको संयोजकत्वमा वार्ता समिति गठन गरेको हो।

विचार मिल्ने पार्टीसँग एकता गर्न भन्दै राजपाले वार्ताका लागि बिर्खेशचन्द्र लाल, रमेश यादव, केशव झा, सुनिल रोहितसतिहका नेताहरु सदस्य रहेको समिति बनाएको छ।

सिके राउत नेतृत्वको समुह राजनीतिको मुलधारमा आउने गरी सरकारसँग ११ बुँदे सहमझदारीसँग थप दवावमा परेका मधेस केन्द्रीत दुई दल पार्टी एकताका लागि साकारात्मक देखिएको स्रोतको दाबी छ। त्यस्तै, राजपाले महेन्द्र यादवको संयोजकत्वमा प्रदेश दुई सरकार संयोजन समिति पनि गठन गरेको छ।

यसैबीच, चक्रीय प्रणालीबाट दुई÷दुई महिनामा नेतृत्व परिवर्तन गर्ने सहमति अनुसार राष्ट्रिय जनता पार्टी नेपालको अध्यक्षमण्डलको संयोजकमा बुधबारदेखि परिर्वतन भएको छ।

पूर्ववत सहमति अनुसार बिहीबार देखि शरतसिंह भण्डारीले संयोजकको भूमिका निर्वाह गर्नेछन्। बुधबारसम्म महेन्द्र यादव अध्यक्षमण्डलका संयोजक थिए। बुधबारदेखि नै अध्यक्षमण्डलको संयोजकको जिम्मेवारी भण्डारीलाई दिइएको अध्यक्षमण्डलका सदस्य अनिल झाले जानकारी गराए।

उनले भने, ‘सहमतिअनुसार दुई÷दुई महिनामा अध्यक्षमण्डलका संयोजक परिवर्तन हुन्छन्। जसअनुसार बुधबारदेखि उहाँ (भण्डारी) अध्यक्षमण्डलको संयोजक हुनुभएको छ।’ नागरिक दैनिकमका खबर छ ।