काठमाडौं । टोलीका स्थायी कप्तान लिओनल मेस्सी ९ महिनापछि राष्ट्रिय टोलीमा फर्किएको खेलमा अर्जेन्टिनाले नमिठो हार व्यहोरेको छ । नेपाली समयअनुसार शनिबार बिहान भएको मैत्रीपूर्ण खेलमा अर्जेन्टिना भेनेज्वेलासाँग ३–१ ले स्तब्ध बन्यो ।
स्पेनको क्लब एथ्लेटिको मड्रिडको घरेलु रंगशालामा भएको खेलमा अर्जेन्टिना १–३ ले पराजित हुँदा कप्तान मेस्सी गोलविहीन बने ।
भेनेज्वेलाका लागि खेलको २६औं मिनेटमा सोलोमन रोनडनले गोल गरेर अर्जेन्टिनाविरुद्ध अग्रता दिलाएका थिए । उनले उनले रोसाजेसको पासमा गोल गरेका थिए ।
त्यसपछि पहिलो हाफको अन्तिम समय ४४औं मिनेटमा भेनेज्वेलाका लागि जोन मुरिल्लोले गोल गर्दै खेल २–१ बनाए ।
दोस्रो हाफमा खेलमा फर्किन सुरुबाटै आक्रामक खेल खेलेको अर्जेन्टिनाले खेलको ५९औं मिनेटमा गोल गर्दै खेलमा फर्किने संकेत दिएको थियो । लो सेल्सोको पासमा लाउटारो मार्टिन्जले गरेर खेल २–१ बनाएका थिए ।
तर, खेलको ७५औं मिनेटमा भेनेज्वेलाले पेनाल्टी पायो । जसमा जोसेप मार्टिन्जले कुनै गल्ती नगरी गोल गरेर टोलीलाई ३–१ को अग्रता दिलाए ।
त्यसपछि बाँकी समयमा दुवै पक्षबाट थप गोल हुन नसकेपछि खेल भेनेज्वेलाले ३–१ ले जित्यो । यो हारसँगै मेस्सीको लामो समयपछि राष्ट्रिय टोलीको कमब्याक यात्रा हारबाट सुरु भएको छ ।
