काठमाडौँ । चेल्सीले इंग्लिस प्रिमियर लिग फुटबलमा कार्डिफ सिटीलाई हराएको छ ।
आइतबार राति भएको खेलमा चेल्सीले रेलिगेशन जोनमा पर्ने खतरामा रहेको कार्डिफलाई २-१ गोल अन्तरले हराएको हो ।
घरेलु मैदानमा भएका खेलमा कार्डिफले दोस्रो हाफको सुरुमा नै अग्रता लिएको थियो । उका लागि भिक्टर कामारोसाले गोल गरे ।
तर, खेलको अन्त्यतिर चेल्सी खेलमा फर्कियो । ८४ औं मिनेटमा सेजरले बराबरी गोल फर्काए भने इन्जुरी टाइममा सब्सिच्युट खेलाडी रुबेन लफ्टस चिक गोल गर्दै टोलीलाई जिताए ।
जितपछि चेल्सीको ३१ खेलबाट ६० अंक भएको छ र छैटौं स्थानमा छ भने कार्डिफ २८ अंकसहित १८ औं स्थानमा छ ।
